Nadhom Puasa

1. Dupi saum eta genap syarat-syaratna

Islam,  Tamyiz , Suci Haid sareng Nifasna

2. Opat niat saum fardlu ti wengina

Wajibna teh anggoeun saban dinteunna

3. Unggal niat saum fardlu romdlon

Nawaitu sauma ghodin an fardli romdlon

4. Lima nahan tinu matak ngabatalkeun

Ti fajar dugi ka sasurup wayahanakeun

5. Dupi nu ka genep manjing waktosna

Atawa wujud sabab saum fardluna

ANU NGABATALKEUN KANA PUASA

1. Sapuluh nu matak ngabatalkeunnana

hiji ain dunia kumargi lebetna

2. Sanaos saalit sangaja kana jaopna

upami tina mapad kana lebetna

3. Sarang ngahaja utah kadua na

sanaos teu balik deui kana jaopna

4. Sareng ngahaja jima nu katiluna

sanaos teu sareng  metu manina

5. Sareng ngabijilkeun mani kaopatna

sanaos teu kalawan jima bijilna

6. Sareng deui gelo anu kalimana

sanaos kalintang sakedap gelona

7. Sareng deui kalenger anu ka genepna

ti kawit fajar dugi ka suruf na

8. Dupi anu ngabatalkeun katujuhna

eta bobor sateu acan nyata suruf na

9. Sareng deui murtad anu kadalapan na

tina murtad ka Alloh nuwun raksana

10. Kadongkapan hed nifas nu ka salapan na

sanaos bada alaqoh mudghoh bijilna

11. Sareng deui babar anu ka sapuluhna

sanaos teu dibarengan baseuh babarna

12. Sing saha ngahaja bobor sasih romdlon

atawa hilap niat wengi romdlon

13. maka keuna wajib imsyak ka anjeunna

saban saban dina sakantun dinteunna

14. kitu deui ka jalma nu yakin romdlon

poe katilupuluhna bulan sya’ban

15. henteu ngabatalkeun saum lebet ain

kana jaof mun ti surga eta ain

16. atawana dipaksa atawa poho

deui istimna jima’ ku tuang bojo

17. teu batal ku reuhak lebet kana jaof

kusorangan teu karep nu boga jaof

18. deui henteu batal make sifat mata

atawa diubar sabab nyeri mata

19. najan aya rasa sifat tawa obat

dina tikorohenteu jadi mudhorot

20. deui teu batal asupna laleur reungit

kebul jalan kebul tipung tawa leuit

21. hanteu batal ku neureuy ciduh sorangan

anu tacan kaluar ti patempatan

22. teu batal ku kalepasan ngingsreuk cai

kekemu teu mubalaghoh kana cait

23. hanteu batal ku sare sapoe jeput

ti subuh tepi ka maghrib hanteu emut

24. pingsan kalengger nu kurang ti sapoe

hanteu ngabatalkeun saum eta oge

25. disyaratkeun make niat nu biasa

ti peutingna niat kaula puasa

26. hanteu batal ku diserot ku dipatik

kudi ala getih atawa ku disuntik

27. hanteu sah puasa di poe lebaran

idul fitri idul adha sami mawon

28. deui hanteu sah dina poe tasyriki

oge teu sah puasana poe syakki

29. puasa ti genep belas bulan sya’ban

jaba ngodlowan fardlu tawa romadlon

30. atawa puasa bae geus biasa

tawa disambung reujeung lima belas

31. haram kanu saum nyium rarangkulan

pami robah syahwatna kukikituan

32. sareng sunat kanu saum enggal bobor

sareng pami ringan ku korma bobor

33. pami susah ku naon bae anu amis

teu di baker teu ayamah cai tiis

34. ari tuang saur sunat diakhirkeun

hadas ageing memeh fajar dileungitkeun

35. sunat neyurkeun du’a langkung utami

waktos bobor ngadu’a anu sugemi

36. kedah seueur ngaos qur’an jeung sidekah

salamina romdlon nyeueurkeun barokah

37. malah mandar hasil lailatul qodar

hususiat umat Muhammad nu sadar

38. seueur amal kahadean lankung sae

batan tilupuluh rebu nu sarae

39. makruh dipatik diserot disuntikan

ngaheumheum ngarasaan kadaharan

40. ngantekkeun ngingsreuk cai eujeung kekemu

nyium nalika syahwat hanteu katimu

41. anu saum ku tambah tambah sae

ngajauhan kahayangna naon bae

42. tetenjoan reureungeuan aangseuan

cacabakan ti tincakan kadaharan

43. sumawona bohong ngupat ngadu-ngadu

pasea pacogreg ngadu hayam adu

44. ari anu pikun anu gering ripuh

teu puasa dina romdlon kudu tempuh

45. saban poe sa emud dipidyahan

teu wajib puasa teu wajib ngodoan

46. anu hed nu nifas eta diwajibkeun

buka tapi  wajib dikodokeun

47. nu keur nyaba jauh nyaba anu wenang

bukana diperjalanan eta wenang

48. najan manehna kuat kana puasa

tapi lamun  teu ripuh alus puasa

49. ari anu gering hanteu meunang buka

kajaba mun tambah ripuh mun puasa

50. nu keureuneuh nu nyusuan lamun soak

madlorot kamanehna tawa kabudak

51. maka menang buka tapi wajib qodo

nu nyaba nu gering wajib qodo

52. sing saha nu buka  teu kalawan uzur

wajib qodo teu menang diundur-undur

53. tapi lamun sabab uzur nu kasebut

qodona antara hanteu gesat-gesut

54. tapi alusna mah buru-buru bae

enggal kana kasaen eta sae

55. sing saha nu tinggal saum sasih romdlon

margi ku rupi rupi wagelan

56. tuluy maot dina satacana imkan

ngodowan nu tinggal tina sasih romdlon

57. kanu kitu hanteu wajib naon-naon

teu wajib midyahan teu wajib ngodoan

58. lamun maotna eta saba’da imkan

wajib dikowan tawa dipidyahan

59. diqodowan ku walina di pidyahan

sapoe sa emud ngalih kakuatan

60. kajaba ku uzur hanteu imkan qodo

mun qodo ngalengkahan mah wajib denda

61. ngalengkhan saromadlon sapoena

samud beas ditambah reujeung qodona

62. ngalengkahan dua romdlon dua emud

kitu bae saterusna bilangan  mud

63. anu reuneuh nu nyusuan buka ngarah

ngabelaan orok kudu make fidyah

64. ari qodlo saum romdlon eta ulah

                  ngelengkahan romdlon deui eta salah

Dicutat tina seratan Alm . KH . ABU HAMID YAHYA ra.  Ponpes Darus Surur Cibodas